أشكيـــك لميـــن ؟!!

 

أشكيك لمين وانت الحكم !
دمي مغرق الميادين والحق اتكتم !
ناس تعبانه شقيانه
ع العدل والتغيير حيرانه
قاموا بثوره لاجل ماتيجي
لاجل يشوفو حلم حقيقي
حلم بسيط يتعد بخمسه
(ت غ ي ي ر )
ولا فيه غيره علي لسانهم
...
ثاروا وصبروا وضحوا وملوا
من حكمك وقرارك طفشوا وكلوا
...
شافوا صلاتك قالوا شيخنا ومولانا ..
يحكم بشريعته يرجع دم غلانا ..
لا دم بيرجع ولا بيودي
شلال بيجري ولا بيهدي
ولسه ف عينهم (الهادي المهدي) !!
ياهادي ليك عليا حقين .. حق طاعه وتقويم وليا عليك ألف حق وحق ..
هبدأهم بدم اللي ضحي بحق
لاجل ماتيجي ونفاوضك علي حقه تقولنا لاء !!!
...
وانت بتصلي وبعد الفاتحه اقرا الآيه : (تلك حدود الله فلا تعتدوها) ..
واضحه مفيهاش لف ولا روايه..
دم بدم .. وعين بعين .. والجروح قصاص ..
ودا حقي الأول .. ياتجيبه بنفسك ياتسيبني أجيبه
دم اخواتي ومش راح اسيبه
ولو هتسيبه مش هنسيبك ومش هنسيبه